Хитай, чирикликни паш қилған бир мухбирни қолға алди
2006.04.05
Хитайдики мухбир яң шявчиң һөкүмәт әмәлдарлириниң чирикликини паш қилип доклат елан қилғанлиқи үчүн хитай һөкүмити тәрипидин қолға елинған. Униң аяли яң шявчиңниң кәспдашлириниң уни қоллишини һәмдә һөкүмәтниң уни дәрһал қоюп беришини тәләп қилди.
" Хитай санаәт иқтисат хәвири" гезитиниң мухбири яң шявчиң һөкүмәт әмәлдарлири арисидики чирикликни паш қилип бир қанчә хәвәр елан қилған болуп, униң арисидики икки хәвиридә хунән лоңхүй наһийилик һөкүмәтниң нәччә он милйон һәтта 100 милйон йүәндин көп қиммәткә игә болған дөләт игилигидики мал-мүлүкләрни кишини һәйран қалдуридиған дәриҗидики төвән баһада һөкүмәт рәһбәрлириниң уруқ-туққанлириға сетип бәргәнликини паш қилған.
Хитай һөкүмити яң шявчиңни бу йил 1-айда қолға елип, уни лоңхүй наһийисиниң партком секритариға қорқақ салған дәп әйиблигән. яң шявчиң адвукатиға өзиниң гунаһсиз икәнликини һәмдә сақчиларниң қийин-қистиқи билән гунаһни үстигә елишқа мәҗбур болғанлиқини ейтқан.
яң шявчиңниң аилә-тавабатлири вә кәспдашлири уни қоллайдиғанлиқини билдүргән. Уларниң ейтишичә, хитайда мухбирлиқ хизмити интайин тәс болуп, сәзгүр темиларда доклат қилған мухбирлар даим дегүдәк хитай һөкүмитиниң тутқун қилишиға учрайдикән. Һәтта һөкүмәт әмәлдарлири сот орунлиридин пайдилинип ахбарат әркинликини контрол қилидикән.(Пәридә)