Xitay, chiriklikni pash qilghan bir muxbirni qolgha aldi


2006.04.05

Xitaydiki muxbir yang shyawching hökümet emeldarlirining chiriklikini pash qilip doklat élan qilghanliqi üchün xitay hökümiti teripidin qolgha élin'ghan. Uning ayali yang shyawchingning kespdashlirining uni qollishini hemde hökümetning uni derhal qoyup bérishini telep qildi.

" Xitay sana'et iqtisat xewiri" gézitining muxbiri yang shyawching hökümet emeldarliri arisidiki chiriklikni pash qilip bir qanche xewer élan qilghan bolup, uning arisidiki ikki xewiride xunen longxüy nahiyilik hökümetning nechche on milyon hetta 100 milyon yüendin köp qimmetke ige bolghan dölet igiligidiki mal-mülüklerni kishini heyran qalduridighan derijidiki töwen bahada hökümet rehberlirining uruq-tuqqanlirigha sétip bergenlikini pash qilghan.

Xitay hökümiti yang shyawchingni bu yil 1‏-ayda qolgha élip, uni longxüy nahiyisining partkom sékritarigha qorqaq salghan dep eyibligen. Yang shyawching adwukatigha özining gunahsiz ikenlikini hemde saqchilarning qiyin-qistiqi bilen gunahni üstige élishqa mejbur bolghanliqini éytqan.

Yang shyawchingning a'ile-tawabatliri we kespdashliri uni qollaydighanliqini bildürgen. Ularning éytishiche, xitayda muxbirliq xizmiti intayin tes bolup, sezgür témilarda doklat qilghan muxbirlar da'im dégüdek xitay hökümitining tutqun qilishigha uchraydiken. Hetta hökümet emeldarliri sot orunliridin paydilinip axbarat erkinlikini kontrol qilidiken.(Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.