" Nyu - york waqti"géziti tetqiqatchisi jaw yen üstidin yépiq sot échildi


2006.06.17
Share on WhatsApp
Share on WhatsApp

Béyjing sheherlik 2 - ottura xelq sot mehkimisi" nyu - york waqti" gézitining tetqiqatchisi jaw yen üstidin jüme küni " chégra sirtidikilerni qanunsiz dölet mexpiyetliki bilen teminlesh we aldamchiliq qilish" jinayiti bilen eyiblep yépiq sot ötküzdi.

Jüme künki sot 8 sa'et dawamlashqandin kéyin hichqandaq höküm chiqarmay yépilghan. Sot mehkimisi, dilo dölet mexpiyetlikige yatidighan nazuk mesililerge chétilghanliqtin yépiq élip bérilghanliqini bildürmekte.

Jaw yen a'ilisining sotqa qatnishish telipi da'iriler teripidin ret qilin'ghan. " Nyu - york waqti "géziti 2004 yili shu chaghdiki xitay dölet re'isi jang zéminning merkizi herbiy ishlar komitéti re'islikidin chékinidighanliqini xewer qilghandin kéyin, jaw yen xitay da'iriliri teripidin qolgha élin'ghan we dölet mexpiyetlikini ashkarilash jinayiti bilen eyiblen'gen idi. Lékin jaw yen bu eyibleshni bash axirghiche ret qilip kelmekte. Jaw yenning dilosi amérikining yuqiri derijide diqqitini tartiwatqan mesililerning biri bolup qaldi.

Xelq'ara kishilik hoquq organliri we muxbirlarni qoghdash teshkilatliri jaw yenning 2 yildin béri izchil su'al - soraqsiz tutup turuliwatqanliqini eyiblep kelgen we xitay qanunlirini xelq'ara ehdinamilargha xilap, dep tenqidlimekte idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.