Хитай һөкүмити, мәтбуатниң җиддий вәзийәт һәққидә хәвәр бериш ишини техиму чиң контрол қилшини пиланлимақта

Франисйә агентлиқиниң хәвәр қилишичә, хитай хәлқ қурултийи һөкүмәтниң тәбиий апәтләр, сағлиқ вә иҗтмаий кризис қатарлиқ җиддий һаләтләргә қандақ тақабил туруши тоғрисида бир қанун лайиһиси тәйярлимақта.

Хәвәрдә ейтилишичә, тәйярлиниватқан қанун лайиһисигә асасән , бундақ җиддий һаләтләрдә қанун тәрипидин бекитилгән қаидиләргә вә һөкүмәтниң көрсәтмилиригә хилап һалда вәқәлик тоғрисида хәвәр бәргән мәтбуат органлири100000 йүәнгә қәдәр җәриманә төләш җазасиға учрайдикән.

Қанун лайиһисидә, йәрлик һөкүмәт органлириниң йүз беридиған җиддий вәқә һәққидә вақтида хәвәр бериши керәклики тәкитләнгән. Әмма ,әгәр берилгән хәвәрләр кризисқа қарши туруш мәсилисигә тәсир йәткүзсә, һөкүмәт мәтбуат органлирини вәқәдин хәвәрдар қилмсиму болидикән.

Хәвәрләргә қариғанда, қанун лайиһисидә йәрлик һөкүмәтләрниң мәтбуатта чиққан хәвәрләрни назарәт қилиши керәклики тәкитләнгән.

Шинхуа агентлиқиниң хәвәр қилишичә ,хитай хәлқ қурултийи, 2003‏- йили сарс кесәллики оттуриға чиққанда, йүз бәргән хаталиқлар сәвәбидин бундақ бир қанун чеқиришни қарар қилған. (Қанат)