Chigrisiz muxbirlar teshkilati jonggodin axbarat erkinlikige kapaletlik qilishni telep qildi

Merkizi parizhdiki chégrisiz muxbirlar teshkilati düshenbe küni bayanat élan qilip, jonggo da'iriliridin axbarat erkinlikige kapaletlik qilishni telep qildi.

Bayanatta chégrisiz muxbirlar teshkilati, béyjing olimpik yighini pat yéqinda 2008 yili 8 - ayning 8 - küni échilmaqchi. Seyshenbe küni béyjing olimpik yighinigha del 2 yil qalidu. Gerche jonggo hökümiti axbarat erkinlikige hörmet qilimiz, dep wede bergen bolsimu, lékin hazirghiche meyli béyjing olimpik yighinini teshkillesh komitéti yaki xelq'ara olimpik komitéti bolmisun, bu organlarning hich biri olimpik yighinini xewer qilidighan muxbirlarning erkin heriket qilishigha yaki xewerlerni erkin bérishige kapaletlik qilalmidi, deydu.

Jonggo hökümiti béyjing olimpik yighini jeryanida muxbirlarning erkin xewer bérish we xitay da'iriliri teripidin qarshi élinmaydighan bezi metbu'atlarning olimpik yighinini xewer qilishigha ruxset qilish mesililiride sinaqqa duch kélishi mumkin. Jonggo hökümiti buningdin bir qanche yil burun olimpik musabiqisini béyjingda ötküzüsh üchün xelq'ara olimpik komitétigha axbarat erkinlikini qoyuwétimiz, dégen bir qatar wedilerni bergen. (Erkin)