Хитай сот мәһкимиси җасуслуқ билән әйибләнгән хоңкоң мухбириниң әрзини қобул қилишни рәт қилди


2006-11-24
Share

Хитайниң бир юқири дәриҗилик сот мәһкимиси җүмә күни тәйвәнгә җасуслуқ қилиш билән әйиблинип 5 йиллиқ қамақ җазасиға һөкүм қилинған "сингапор боғаз вақти" гезитиниң мухбири чин чеңниң сот һөкүмигә қайил болмай юқири дәриҗилик сот мәһкимисигә сунған әрзини қобул қилишни рәт қилди.

Бейҗиң шәһәрлик юқири сот мәһкимиси җүмә күни чиң чеңниң әрзини көрүп чиққан вә униң һөкүмгә қайил болмай сунған әрзини қобул қилишни рәт қилған. Чиң чеңниң акиси чиң хәй, хитай әдлийә системисидин пүтүнләй үмидсизләнгәнликини билдүрмәктә. У, " көңлимиз наһайити йерим болди вә буниңдин һәйран қалдуқ. Сотчи төвән дәриҗилик сот мәһкимисиниң һөкүмини пүтүнләй орунлуқ, дәп қариди вә бизниң әрзимизни қобул қилишни рәт қилди," дәйду.

Чиң чең 2005 - йили 4 - айда хитай дөләт бихәтәрлик даирилири тәрипидин гуаңҗуда қолға елинған. Вә йеқинда 5 йиллиқ қамақ җазаси берилгән иди.

Шинхуа ахбарат агентлиқи, униң тәйвәндики мәлум бир фонди җәмийәткә "дөләт мәхпийәтлики вә ахбарат" сатқанлиқини илгири сүргән болсиму, лекин бу ахбарат вә мәхпийәтликниң конкрет мәзмунини тилға алмиған.

Мәркизи париждики чегрисиз мухбирлар тәшкилати хитай даирилириниң чиң чеңниң қолға алғанлиқини вә сотлимақчи болғанлиқини әйиблигән иди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт