Xitay sot mehkimisi jasusluq bilen eyiblen'gen xongkong muxbirining erzini qobul qilishni ret qildi


2006-11-24
Share

Xitayning bir yuqiri derijilik sot mehkimisi jüme küni teywen'ge jasusluq qilish bilen eyiblinip 5 yilliq qamaq jazasigha höküm qilin'ghan "sin'gapor boghaz waqti" gézitining muxbiri chin chéngning sot hökümige qayil bolmay yuqiri derijilik sot mehkimisige sun'ghan erzini qobul qilishni ret qildi.

Béyjing sheherlik yuqiri sot mehkimisi jüme küni ching chéngning erzini körüp chiqqan we uning hökümge qayil bolmay sun'ghan erzini qobul qilishni ret qilghan. Ching chéngning akisi ching xey, xitay edliye sistémisidin pütünley ümidsizlen'genlikini bildürmekte. U, " könglimiz nahayiti yérim boldi we buningdin heyran qalduq. Sotchi töwen derijilik sot mehkimisining hökümini pütünley orunluq, dep qaridi we bizning erzimizni qobul qilishni ret qildi," deydu.

Ching chéng 2005 - yili 4 - ayda xitay dölet bixeterlik da'iriliri teripidin gu'angjuda qolgha élin'ghan. We yéqinda 5 yilliq qamaq jazasi bérilgen idi.

Shinxu'a axbarat agéntliqi, uning teywendiki melum bir fondi jem'iyetke "dölet mexpiyetliki we axbarat" satqanliqini ilgiri sürgen bolsimu, lékin bu axbarat we mexpiyetlikning konkrét mezmunini tilgha almighan.

Merkizi parizhdiki chégrisiz muxbirlar teshkilati xitay da'irilirining ching chéngning qolgha alghanliqini we sotlimaqchi bolghanliqini eyibligen idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet