Xitay yerlik muxbirliq ponkitlirini tertipke salmaqchi
2007.04.03
En'gliye BBC agéntliqining xewer qilishiche, xitay axbarat- neshriyat bash mehkimisi, her derijilik gézitlerning yerlik muxbirliq ponkitlirini tertipke sélish heqqide uqturush chiqardi.
Buningdiki meqset, xitayning bezi axbarat organlirining yerliktiki muxbirilirida körülüwatqan bashqilarning mexpiyetlikini ashkarilash tehditi bilen pul-mal ündürüwélishtin ibaret muxbirliq kespiy exlaqigha muxalip qilmishlarning aldini élish iken.
Xitay axbarat- neshriyat bash mehkimisi, xitaydiki bezi axbarat agéntliqlirining yerliktiki muxbirliq ponkitlirida xizmet qiliwatqan ayrim xadimlirining xewer ishlesh we muxbirliq qilish namida payda ündürüwélishni meqset qilish xahishlirini tenqit qilghan.
Yéngi belgilimide, peqet heqiqiy muxbirliq kinishkisi bar xadimlarningla axbarat xizmiti bilen shughullinishi belgilinip, yerlik partiye - hökümet organliri muxbirliq ponkitlirining bashliqini belgileydighan, muxbirliqqa salidighan we muxbirlar axbarat bilen munasiwetsiz ishlar bilen shughullinidighan xahishlarni cheklesh otturigha qoyulghan.
Bu yil yanwarda "xitay soda géziti" ning shenshidiki muxbirliq ponkitining ezasi len chéngjang xizmetdéshi bilen teyyüendiki bir qanunsiz kömür kanni ziyaret qilish jeryanida kan mes'uli qatarliq kishiler teripidin urup öltürülgen idi.
Teyyüen saqchi da'irlirining éniqlap körsitishiche, yuqiriqi ikki muxbir kan mes'ulidin pul ündürüwalmaqchi bolghan hem kömür kan mes'ulining bildürüshiche, bu muxbirlarning kinishkiside xitay axbarat- neshriyat bash mehkimisining tamghisi yoq bolup kanchilar bu muxbirlarni "yalghan muxbir" dep hés qilishqan iken. (Jüme)
Munasiwetlik maqalilar
- Olimpikning mes'ul xadimliri xitayda yémek-ichmektin zeherlinishning xetiri yuqiriliqini bildürdi
- Xitayda ziyaliylar "uchur erkinliki qanuni" maqullashni teshebbus qilmaqta
- Xitay metbu'at erkinlikini kontrol qiliwatqan asasliq döletlerdin biri
- Xitay hökümiti xelq'ara jem'iyetler teripidin söz hem axbarat erkinliklirini boghush bilen eyiblendi
- Xu jintaw urup öltürülgen muxbir délosini tézdin bir terep qilish buyruqi chüshürdi
Köp körülgen xewerler
RFA
- Parizhda otturigha chiqqan “Shinjangliq” larning kimliki ashkarilandi
- Jenwediki b d t yighinida xitay wekilliri yighin meydanini tashlap chiqip ketken
- Tuzini yep, tuzluqini chéqish: xitay yazghuchisi wang méngning Uyghur söygüsi qanchilik?
- Xitay özini aqlash üchün “B d t 16-nöwetlik az sanliqlar munbiri” de bir neper Uyghur ayalni sehnige chiqarghan
- Jenwediki b d t munbiride: “Uyghur teshkilatliri wekilliri Uyghur mejburiy emgikige da'ir herqandaq so'algha jawab bérishke teyyar! ”