Хитайниң аял ‏- балиларниң мәнпәәтини қоғдаш йиғини ечилди


2008.01.24

Хитайниң мәмликәтлик аял ‏- балиларниң һоқуқ ‏- мәнпәәтини қоғдаш йиғини йеқинда бейҗиңда ечилған болуп, йиғинда " хәлқниң турмушини яхшилаш муһим нуқта қилинған иҗтимаи қурулушни илгири сүрүшни зич чөридигән һалда , аял - балиларниң түп мәнпәәтини қоғдаш мәсилисини илгири сүрүш керәк" дегәнгә охшаш нуқтилар оттуриға қоюлған , бирақ хитай мәтбуатлирида бу һәқтә берилгән хәвәрдә аяллар вә балиларниң түп мәнпәәтигә мунасивәтлик конкрет мәсилиләр йәнила ениқ әкс әттүрүлмигән.

Хитайда аңлашқа интайин чирайлиқ, хәлқниң мәнпәәти үчүн хизмәт қилидиған бу хил қалпиқи чоң йиғинларниң көпләп ечилип туридиғанлиқи, лекин бу хил йиғинларниң хәлқ мәнпәәти үчүн һечқандақ бир иҗабий рол ойнимайдиғанлиқини билдүргән, дуня уйғур қурултийи аяллар кометитиниң рәиси тамара ханим, хитай һөкөмитиниң болупму уйғур аял вә балилириға қарита йолсиз сиясәт қоллиниватқанлиқини билдүрди.

Тамара ханим сөзидә йәнә , уйғур аяллири, хитай һөкүмитиниң пиланлиқ туғут сияситиниң қурбаниға айланғандин сирт диний бесим, саватсизлиқ , ишсизлиққа охшаш түрлүк сиясий бесимларға дуч келиватқанлиқини, болупму той йешидики қизлар хитай өлкилиригә берип пул тепишқа мәҗбурлиништәк ғурур дәпсәндичиликигә йолуқуватқанлиқини, уйғур балилириниң болса өз ана тил маарипидин мәһрум қалдурулуп, хитай маарипиға мәҗбурлиниватқанлиқини тәкитлиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.