Xitayning ayal ‏- balilarning menpe'etini qoghdash yighini échildi


2008-01-24
Share

Xitayning memliketlik ayal ‏- balilarning hoquq ‏- menpe'etini qoghdash yighini yéqinda béyjingda échilghan bolup, yighinda " xelqning turmushini yaxshilash muhim nuqta qilin'ghan ijtima'i qurulushni ilgiri sürüshni zich chöridigen halda , ayal - balilarning tüp menpe'etini qoghdash mesilisini ilgiri sürüsh kérek" dégen'ge oxshash nuqtilar otturigha qoyulghan , biraq xitay metbu'atlirida bu heqte bérilgen xewerde ayallar we balilarning tüp menpe'etige munasiwetlik konkrét mesililer yenila éniq eks ettürülmigen.

Xitayda anglashqa intayin chirayliq, xelqning menpe'eti üchün xizmet qilidighan bu xil qalpiqi chong yighinlarning köplep échilip turidighanliqi, lékin bu xil yighinlarning xelq menpe'eti üchün héchqandaq bir ijabiy rol oynimaydighanliqini bildürgen, dunya Uyghur qurultiyi ayallar kométitining re'isi tamara xanim, xitay hökömitining bolupmu Uyghur ayal we balilirigha qarita yolsiz siyaset qolliniwatqanliqini bildürdi.

Tamara xanim sözide yene , Uyghur ayalliri, xitay hökümitining pilanliq tughut siyasitining qurbanigha aylan'ghandin sirt diniy bésim, sawatsizliq , ishsizliqqa oxshash türlük siyasiy bésimlargha duch kéliwatqanliqini, bolupmu toy yéshidiki qizlar xitay ölkilirige bérip pul tépishqa mejburlinishtek ghurur depsendichilikige yoluquwatqanliqini, Uyghur balilirining bolsa öz ana til ma'aripidin mehrum qaldurulup, xitay ma'aripigha mejburliniwatqanliqini tekitlidi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet