خىتاي، نېفىت ۋە باشقا بايلىق مەنبەلىرىنىڭ ئىسراپ قېلىنىشنى كونترول قېلىش ئۈچۈن نېفىتتىن ئېلىنىدىغان باجنى كۆپەيتىدىكەن


2007-03-20
Share

خىتاي دۆلەتلىك تەرەققىيات ۋە ئىسلاھات كومىتېتىنىڭ باشلىقى ماكەي "ھازىر نېفىتتىن ئېلىنىۋاتقان باج بەكلا تۆۋەن" دەيدۇ. ماكەي نىڭ بىلدۈرىشىچە، خىتاي ھۆكۈمىتى ھازىر بايلىق مەنبەلىرىنىڭ قالايمىقان ئېچىلىشى ۋە ئادەتتىن تاشقىرى كوپ ئىستىمال قىلىش قاتارلىق خاھىشلارنى توسۇش ئۈچۈن تېخىمۇ قاتتىق باج ئېلىش ئۆلچىمى بېكىتىش ئۈستىدە ئىزلىنىۋىتىپتۇ.

ھازىر خىتايدا ھەر بىر باك نېفىتكە قويۇلىدىغان باج 2 يۈەندىن 4 يۈەنگىچە ئىكەن.

تەڭرىتاغ تورىنىڭ يېقىندا بەرگەن مەلۇماتىغا قارىغاندا، 2006 -يىلى ئۇيغۇر ئېلىنىڭ نېفىتتىن غەزىنىلەشتۈرۈلگەن باج كىرىمى 16 مىليارد 400 مىليون يۈەن ئەتراپىدا بولغانلىقى مۆلچەرلەنگەن. خەۋەردە يەنە ئۇيغۇر ئېلىنىڭ 11 ۋىلايەت، ئوبلاست، 35 ناھىيىسىدە نېفىت بايلىق مەنبەسى بار ئىكەنلىكى ئوتتۇرىغا قويۇلغان.

ئۇيغۇر كۆزەتكۈچىلەر، گەرچە ئۇيغۇر ئېلىدە ھەر يىلى نەچچە ئون مىليارد يۈەن نېفىتتىن كېرىدىغان باج غەزىنىلەشتۈرۈلۈپ كېلىۋاتقان بولسىمۇ، لېكىن بۇلارنىڭ يەرلىك خەلقنىڭ تۇرمۇش ئەھۋالىنى ياخشىلاشقا سەرپ قىلىنىشىدىن گۇمان قىلىدىغانلىقىنى بىلدۈرۈشتى. (جۈمە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت