Shenshidiki qara xumdanliqtin yene 80 qul ishchi qutquzuldi


2007.06.16
Share on WhatsApp
Share on WhatsApp

Xitay bixeterlik da'iriliri jüme küni , shenshi ölkisidin yene qara xumdanliqlarda qullar emgikige sélin'ghan yene 80 kishining qutquzulghanliqini bildürdi.

Hazirghiche shenshi ölkisidin qutquzulghan qullar emgikige sélin'ghanlarning sani 331 kishige yetken bolup bularning 9 nepiri kichik balilar iken. Xénen ölkiside qutquzulghan qul ishchilarning sani bolsa 271 kishige yetken .

Shenshi ölkilik jama'et xewipsizlik idarisining mudiri du yulinning bildürüshiche, shenshi ölkisidiki 2500 din artuq qara xumdanliq, kömür we tömür kanlirini tekshürüp chiqish üchün 14000 din artuq saqchi seperwer qilin'ghan. Xewerlerge qarighanda yerlik hökümet qullar emgikige sélin'ghanlarning her qaysi jaylardiki a'ililiri bilen alaqilishiwatqan bolup, hökümet da'irilirining bildürüshiche, hazirghiche 24 kishi tutulghan.

Kishilerni qolluq emgikige salghan qara xomdanliq we kömürkan igilirining yerlik hökümet da'iriliri we saqchilar bilen alaqisi barliqi otturigha chiqmaqta. Sawshing yézisidiki qanunsiz ish élip barghan qara xumdanliqning igisi, mezkur yézining partiye sékritari bolghan wang dongjining oghli iken. Saqchilar bu yézidiki qara xumdanliqtin 31 neper qul ishchini qutquzghan. Saqchilarning bildürüshiche, bu qara xumdanliqta ötken noyabir éyida bir kishi urup öltürülgen iken.

Xitayda qullar emgikige sélin'ghan kishilerning otturigha chiqishi 2008‏- yilliq olimpik tenheriket yéghinigha teyyarliniwatqan xitayning xelq'aradiki obrazini téximu xunukleshtüridighan bir weqe hésablinidu. Kishilik hoquq teshkilatliri we gherb döletliri xitayni kishilik hoquqni depsende qiliwatidu dep eyiblimekte. Bezi xelq'ara teshkilatlar we gherb siyasetchiliri bolupmu xitayning sodan bilen bolghan yéqin munasiwiti tüpeylidin 2008‏- yilliq olimpik tenheriket yéghini bayqut qilish telipini otturigha qoymaqta.

Xelq'ara ishchilar uyushmiliri birleshmisi téxi11‏- iyun küni doklat élan qilip, 2008‏- yili ötküzülidighan béyjing olimpik tenheriket yéghini üchün mehsulat ishlepchiqirish ruxsiti bérilgen xitay karxanilirini, ösmürlerni emgekke sélish we emgekchiler hoquqini éghir derijide depsende qilish bilen eyibligen idi.(Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet