Ишчиларни хорлаш қилмишлири давамлиқ паш болмақта


2007-06-18
Share

"Қара хумданда қуллуққа тутулуш" шәрмәндичилики пур кәткәндин кийин хитай һөкүмәт даирлири һәрикәткә келип шәнши, хенән қатарлиқ районлардин 168 дин артуқ адәмни, ишчиларға хорлаш муамилиисдә болған, дәп қолға алди. Җоңгу гезитиниң билдүрүшичә, юқириқи қолға елинғанларниң 48 и шәншидин, қалғанлири хенәндин тутулған.

Ройтерс агентлиқиниң 18 июн бәргән хәвиридә көрситилишичә, мәзкур шәрмәндичилик, хитай компартийисиниң, пуқраларниң һәқ-һоқуқини техиму илгирлигән һалда капаләткә ериштүрүш, пүтүн хитай миқясидики намратларниң турмуш әһвалини яхшилаш арқилиқ "инақ җәмийәт" қуруш вәдисигә қара көләңгү ташлиған.

Адәмниң күчлүк ғәзипини қозғайдиған қара хумдан шәрмәндичилики хитайға пур кәткәндин кийин, шәнши өлкилик һөкүмәт хумдан райониға ишчиларни хорлаш вәқәсини тәкшүрүш өмикини әвәткән.

Мәлум болушичә, хоҗайинлар ишчиларни ит вә рәһимсиз иш башқурғучилар арқилиқ тизгинләп уруп ишләткән болуп, бу ишчиларниң қол- путлирини көйүк вә таяқ зәрбисидин пәйда болған һәрхил яра-чақилар қаплап кәткән. Һәтта хитай мәркизий телевизийә истансиси, хумдан хоҗайининиң бир балини тасаддипий өлтүрүп қоюп көмүвәткәнлики һәққидә хәвәр бәргән иди.

Игилигән мәлуматларға қариғанда, шәншидики қара хумдандин адил исимлик бир уйғур ишчиму қутулдуруп чиқилған болуп, биз һазир униң кейинки әһвалини игиләш үчүн тиришиватимиз. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт