Ishchilarni xorlash qilmishliri dawamliq pash bolmaqta


2007.06.18
Share on WhatsApp
Share on WhatsApp

"Qara xumdanda qulluqqa tutulush" shermendichiliki pur ketkendin kiyin xitay hökümet da'irliri heriketke kélip shenshi, xénen qatarliq rayonlardin 168 din artuq ademni, ishchilargha xorlash mu'amili'isde bolghan, dep qolgha aldi. Jonggu gézitining bildürüshiche, yuqiriqi qolgha élin'ghanlarning 48 i shenshidin, qalghanliri xénendin tutulghan.

Roytérs agéntliqining 18 iyun bergen xewiride körsitilishiche, mezkur shermendichilik, xitay kompartiyisining, puqralarning heq-hoquqini téximu ilgirligen halda kapaletke érishtürüsh, pütün xitay miqyasidiki namratlarning turmush ehwalini yaxshilash arqiliq "inaq jem'iyet" qurush wedisige qara kölenggü tashlighan.

Ademning küchlük ghezipini qozghaydighan qara xumdan shermendichiliki xitaygha pur ketkendin kiyin, shenshi ölkilik hökümet xumdan rayonigha ishchilarni xorlash weqesini tekshürüsh ömikini ewetken.

Melum bolushiche, xojayinlar ishchilarni it we rehimsiz ish bashqurghuchilar arqiliq tizginlep urup ishletken bolup, bu ishchilarning qol- putlirini köyük we tayaq zerbisidin peyda bolghan herxil yara-chaqilar qaplap ketken. Hetta xitay merkiziy téléwiziye istansisi, xumdan xojayinining bir balini tasaddipiy öltürüp qoyup kömüwetkenliki heqqide xewer bergen idi.

Igiligen melumatlargha qarighanda, shenshidiki qara xumdandin adil isimlik bir Uyghur ishchimu qutuldurup chiqilghan bolup, biz hazir uning kéyinki ehwalini igilesh üchün tirishiwatimiz. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet