Amérika mattél shirkitige balilar oyunchuqi éksport qilghan xitay oyunchuq shirkitining bashliqi özni öltürüwaldi

Xitay axbarat wasitilirining melumatigha qarighanda, balilar oyunchuqlirini amérika mattél shirkitige ishlep bergen xitay oyunchuq shirkitining bashliqi aldinqi küni özni öltürüwalghan.

Xitay hökümiti, lida sana'et shirkitining amérikigha balilar oyunchuqi éksport qilishini waqitliq chekligenlikini élan qilip aridin bir nechche kün ötkendin kéyin, bu shirketning xojayini jang shuxong, shirketning iskilatida özini ésiwalghan.

"Jenubiy sheher géziti"ning shirket diréktori lyuning éytqanliridin neqil keltürüshiche, lyu: " men u yerge kechqurun sa'et beshte barghan idim. Saqchilar neq meydanni da'ire ichige élip bolghan iken. Emma, men jang xojayinning boynida arqan izlirini kördüm" deydu.

Bu ayning bashlirida, xitayda ishlen'gen balilar oyunchuqlirida mu'eyyen nisbettiki zeherlik madda yeni qoghushun bayqalghanliqi seweblik, amérikidiki eng chong balilar oyunchuqi shirkiti- mattél 1.5 Milyon dane xitayda ishlen'gen balilar oyunchuqini yighiwélish uqturushi chiqarghan idi.

Bu qétimliq yighiwélish uqturushi, yéqinqi aylardin buyan süpiti we bixeterlik mesilisi tüpeyli xitayda ishlen'gen tawarlargha qarita chiqirilghan eng chong yighiwélish uqturushi bolup hésablinidu.

Shirket diréktori lyuning bildürüshiche, lida oyunchuq shirkiti, bu shirketke sir teminleydighan shirket, dong shing yéngi énérgiye shirkitining qurbanigha aylan'ghan bolup, dong shing shirkitining xojayini, lida shirkitining xojayini jangning yéqin dosti iken. ( Jüme)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar