Җав зияңниң катиби бав тоң әпәнди 17 ‏- қурултай һәққидә әркин асия радиосида обзор елан қилди


2007.10.24
Share on WhatsApp
Share on WhatsApp

Хитай коммунист партийә мәркизи комитетиниң 80 ‏- йиллардики баш секритари җав зияңниң катиби, һазирму техичә бейҗиңда нәзәрбәнт астида туруватқан бав тоң әпәнди 17 ‏- қурултай һәққидә әркин асия радиосида обзор елан қилди.

Бав тоң әпәнди обзорида ху җинтавға рәддийә берип 'он йәттинчи қурултай җуңгода сақлиниватқан чоң мәсилиләрниң һечқайсиға җаваб бәргини йоқ, уни тарихтики шанлиқ сәһипә дейишкә техи әтигән' деди.

Бав тоң әпәнди обзорида "җуңгода қандақ қилип тосаттинла шунчә көп милйонер, терлийонерлар пәйда болуп қалди? әмма әң көп җапалиқ ишләватқан әмгәкчиләр немә үчүн техичә намратлиқтин қутулалмайду? немә үчүн бирмилярд 400 милйон нопуси бар бир чоң дөләт техичә ташқи содидин яки чәтәлләрниң мәблиғидин айрилип қалса өзиниң мәвҗутлиқини сақлап қалалмайду? ишчи‏- деһқанларға 'вәкил'лик қилимиз дәватқан коммунист партийә өзи һәдәп күч тепип дуняда баш көтүрүватқанда, улар вәкиллик қилған ишчи, деһқанлар аммиси немә үчүн әң аҗиз адәмләр топиға айлинип қалди? байлиқ мәнбәлири вә һаятлиқ муһити бузулуп кейинки әвладлири хәтәргә учраватқан бир милярд 400 милйон хәлқ, немә үчүн әмәлдар билән содигәр тил бириктүрүвалған гуруһ алдида шу қәдәр иқтидарсиз һалға чүшүп қалди? җуңгода маркисизм байриғи, мавзедуң байриқи, дең шавпиң байриқи дегән байрақларни игиз көтүргәнсери, немә үчүн һәл қилинмиған мәсилә шунчә көпийип дөвилинип кетиду? 17 ‏- қурултай бу мәсилиләргә җаваб бәрдиму?" дәп суал қойди. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.