Jaw ziyangning katibi baw tong ependi 17 ‏- qurultay heqqide erkin asiya radi'osida obzor élan qildi


2007.10.24
Share on WhatsApp
Share on WhatsApp

Xitay kommunist partiye merkizi komitétining 80 ‏- yillardiki bash sékritari jaw ziyangning katibi, hazirmu téxiche béyjingda nezerbent astida turuwatqan baw tong ependi 17 ‏- qurultay heqqide erkin asiya radi'osida obzor élan qildi.

Baw tong ependi obzorida xu jintawgha reddiye bérip 'on yettinchi qurultay junggoda saqliniwatqan chong mesililerning héchqaysigha jawab bergini yoq, uni tarixtiki shanliq sehipe déyishke téxi etigen' dédi.

Baw tong ependi obzorida "junggoda qandaq qilip tosattinla shunche köp milyonér, térliyonérlar peyda bolup qaldi? emma eng köp japaliq ishlewatqan emgekchiler néme üchün téxiche namratliqtin qutulalmaydu? néme üchün birmilyard 400 milyon nopusi bar bir chong dölet téxiche tashqi sodidin yaki chet'ellerning meblighidin ayrilip qalsa özining mewjutliqini saqlap qalalmaydu? ishchi‏- déhqanlargha 'wekil'lik qilimiz dewatqan kommunist partiye özi hedep küch tépip dunyada bash kötürüwatqanda, ular wekillik qilghan ishchi, déhqanlar ammisi néme üchün eng ajiz ademler topigha aylinip qaldi? bayliq menbeliri we hayatliq muhiti buzulup kéyinki ewladliri xeterge uchrawatqan bir milyard 400 milyon xelq, néme üchün emeldar bilen sodiger til biriktürüwalghan guruh aldida shu qeder iqtidarsiz halgha chüshüp qaldi? junggoda markisizm bayrighi, mawzédung bayriqi, déng shawping bayriqi dégen bayraqlarni igiz kötürgenséri, néme üchün hel qilinmighan mesile shunche köpiyip döwilinip kétidu? 17 ‏- qurultay bu mesililerge jawab berdimu?" dep su'al qoydi. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.