Бав тоң: хитай һөкүмити демократийини йолға қоймай туруп, мәвҗут мәсилиләрни һәл қилалмайду


2006.01.16
Share on WhatsApp
Share on WhatsApp

Хитай компартийисиниң сабиқ баш секретари җав зияңниң катиби бав тоң, җав зияңниң өлүминиң бир йиллиқи мунасивити билән елан қилған баянатида, хитай һөкүмити демократийини йолға қоймай туруп, мәвҗут иқтисадий вә иҗитмаий мәсилиләрни бир тәрәп қилалмайду дәп агаһландурди.

Ройтерс агентлиқиниң хәвәр қилишичә, бав тоң баянатида, хитайда демократик бир түзүм қурулмай туруп, хитай һөкүмитиниң хитайда оттуриға чиқиватқан чоң мәсилиләрни һәл қилиши мумкин әмәс, дегән.

Көпчиликкә мәлум болғандәк, 1989‏-йилидики тйәнәнмин оқуғучилар һәрикитини қоллиғанлиқи үчүн вәзиписидин елип ташланған җав зияң 15 йиллиқ нәзәрбәнт һаятидин кейин, өткән йили 17‏- январ күни қаза қилған.

Бав тоң баянатида, вәзийәт мушундақ давамлишивәрсә, хитайда чоқум иқтисадий вә иҗитмаий кризис йүз беридиғанлиқини тәкитләп, хитайдики чирикликниң асаслиқ сәвәби бир партийилик диктаторлуқ һакимийәт, дәп көрсәтти.

Хитайда, наразилиқ һәрикәтлири күндин‏- күнгә көпәймәктә. Хәвәрләргә қариғанда, 2004 ‏-йили хитайда чоң ‏-кичик болуп, 74000 қетим наразилиқ һәрикити йүз бәргән.

Хитай рәһбәрлири болупму, чирикликниң алдини елиш үчүн йеқинқи йилларда сиясий җәһәттин чәклик бәзи ислаһат елип барған болсиму, әмма ғәрб усулида бир демократийә йолға қоюшни қәти рәт қилмақта. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.