Lo gen, " düshmen küchler" ni basturidighanliqini jakarlidi


2005.02.28

Xitay hökümitining yuqiri derijilik bir emeldari, xelq qurultiyi we siyasi meslihet kéngeshining yighini échiliwatqan bir mezgilde, dölet bixeterlikige tehdit salghan " düshmen küchler" ning basturulidighanliqini élan qildi. Fransiye axbarat agéntliqining xewer qilishiche, bu sözlerni xitay kompartiyisining amanliq ishlirigha mes'ul emeldari lo gen, kompartiyining organ epkari "emiliyet" zhornilida yazghan maqalisida tekitligen.

Xewerlerge qarighanda xitay hökümiti ikki yighinning bixeterliki üchün béyjing shehiri boyiche 650 ming kishini seperwer qilghan. Béyjing sheherlik saqchi idarisi ötken hepte béyjing shehiridiki ayrodurum, poyiz istansisi, méhmanxana, aptobus békiti we soda saray qatarliq orunlardiki bixeterlik tedbirlirini kücheytken idi.

Saqchilar düshenbe künidin bashlap béyjinggha kirish ruxsetnamisi almighan mashinilarning sheherge kirishini chekligen. Fransiye axbarat agéntliqi, lu genning tibet bilen Uyghur aptonom rayonida muqimliqni qoghdashning ehmiyiti toghrisida toxtalghanliqini bildürdi.

Lu gen, memliket ichidiki düshmenlerge aktip zerbe bérish we ularni kontrol qilish, memliket sirtidiki düshmen küchlerge qarshi ünümlik tedbir élishni telep qilghan. Biraq u, memliket sirtidiki düshmen küchlerning kimlerni körsitidighanliqini tilgha almighan. B d t ning kishilik hoquq komitéti ötken hepte tekshürüsh doklati élan qilip, xitay edliye organlirini siyasi meqsetler üchün xizmet qilish bilen eyibligen idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.