Хитайда йүз бәргән зораванлиқ түсини алған намайиш бастурулди


2007.03.13
Share on WhatsApp
Share on WhatsApp

13 ‏- Март франсийә агентлиқиниң бейҗиңдин бәргән хәвригә қариғанда, қораллиқ сақчилар юңҗу шәһиригә сәлдәк еқип кирип 4 күн давам қилған топилаңни тинчитқан. Мәлум болушичә аммиви қатнаш һәққиниң өсүп кетиши бу топилаңни кәлтүрүп чиқарған асасий сәвәб икән.

Хунән өлкисиниң юңҗу шәһиридә йүз бәргән бу топилаңни бастуруш үчүн, хитай хәлқ қораллиқ сақчи қисимидин аҗритилған бир бөлүк қораллиқ сақчи йәрлик аманлиқ сақлиғучи қисимларға һәмдәмгә кәлгән.

Йәрлик шәһәр аһалиси ли мундақ дәйду: "чүнки улар милтиқ вә төмүр калтәкләр билән қоралланған сақчиларни әвәткәчкә, ишларниң һәммиси бүгүн тинҗитилди".

Хәлқ аммиси билән хитай сақчи даирилири арисида йүз бәргән тоқунуш 5 саәттәк давам әткән болуп, тоқунуш давамида 1 оқуғучи қаза қилған вә 60 адәм яриланған. Тоқунуш җәрянида намайишчи амма интайин ғәзәпкә кәлгән болуп сақчиларға қарап" бу һөкүмәт итлирини уруп өлтүрүветәйли" дәп сүрән селишқан. Сақчиларму хәлқ аммисиға қарап" уларни уруп өлтүрәйли" дәп варқирашқан. Җәнубий җуңгу әтигәнлик почта гезитиниң мәлуматиға асасланғанда, тоқунуш җәрянида еғир яриланған бир оқуғучи йәкшәнбә күни дохтурханиға елип келингән болуп, дүшәнбә күни таң сәһәрдә қаза қилған икән. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.