Xitayda yüz bergen zorawanliq tüsini alghan namayish basturuldi


2007-03-13
Share

13 ‏- Mart fransiye agéntliqining béyjingdin bergen xewrige qarighanda, qoralliq saqchilar yungju shehirige seldek éqip kirip 4 kün dawam qilghan topilangni tinchitqan. Melum bolushiche ammiwi qatnash heqqining ösüp kétishi bu topilangni keltürüp chiqarghan asasiy seweb iken.

Xunen ölkisining yungju shehiride yüz bergen bu topilangni basturush üchün, xitay xelq qoralliq saqchi qisimidin ajritilghan bir bölük qoralliq saqchi yerlik amanliq saqlighuchi qisimlargha hemdemge kelgen.

Yerlik sheher ahalisi li mundaq deydu: "chünki ular miltiq we tömür kaltekler bilen qorallan'ghan saqchilarni ewetkechke, ishlarning hemmisi bügün tinjitildi".

Xelq ammisi bilen xitay saqchi da'iriliri arisida yüz bergen toqunush 5 sa'ettek dawam etken bolup, toqunush dawamida 1 oqughuchi qaza qilghan we 60 adem yarilan'ghan. Toqunush jeryanida namayishchi amma intayin ghezepke kelgen bolup saqchilargha qarap" bu hökümet itlirini urup öltürüwéteyli" dep süren sélishqan. Saqchilarmu xelq ammisigha qarap" ularni urup öltüreyli" dep warqirashqan. Jenubiy junggu etigenlik pochta gézitining melumatigha asaslan'ghanda, toqunush jeryanida éghir yarilan'ghan bir oqughuchi yekshenbe küni doxturxanigha élip kélin'gen bolup, düshenbe küni tang seherde qaza qilghan iken. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet