Xunenning yungju shehiridiki topilangni basturush buyruqini kim chüshürdi ?
2007.03.16
Xongkongda chiqidighan " asiya heptilik zhornili" ning xewerqilishiche, xunen ölkisining yungju shehiri jushen baziridiki puqralar bilen qoralliq saqchilar arisida toqunush yüz bergen. Keng kölemlik isyanni basturush buyruqini xitay dölet re'isi xu jintaw chüshürgen. Xitay da'iriliri weqede ölüm -yitim weqesi yüz bergenlikini ret qilghan bolsimu, lékin yungju shehiridiki weqeni öz közi bilen körgüchiler topilangda az dégende bir adem ölgenlikini bildürmekte.
Hökümet 13 - mart küni bir diwiziye qoralliq saqchi qisimini yötkep kélip topilangni basturghan. "Asiya heptilik zhurnili" ning xewirige qarighanda, topinglang yüz bergendin kéyin hökümet etraptiki rayonlardin zapas qoralliq qisimlarni yötkepla qalmay, yene mashinilashqan bir diwiziye qoralliq saqchi qisimini yötkigen. Xitayning herbiy qanuni boyiche bir bataliyondin yuqiri derijilik eskiri qisimlarni yötkeshke toghra kelse, choqum xitay merkizi herbiy ishlar komitétitining testiqini élish kérek. " Asiya heptilik jornili" ning eskertishiche, yerlik qoralliq saqchilarning nechche ming kishilik topilangni basturushqa küchi yetmigendin kéyin, yardemchi qisimlarni yötkigen bolushi mumkin.
Nöwette yungjudiki topilang pütünley bésqiturulghan bolsimu, lékin yerlik da'iriler puqralarni weqe toghrisida muxbirlargha bayanat bermeslikke agahlandurmaqta iken. (Erkin)
Munasiwetlik maqalilar
- Xitayda yüz bergen zorawanliq tüsini alghan namayish basturuldi
- Xunendiki amma hökümetke qarshi namayish qildi
- Xitay özining térrorluq heriketlerge qattiq zerbe béridighanliqini yene bir qétim jakarlidi
- Xangjuda 3000 neper ishchi - xizmetchi namayish ötküzdi
- Saxta diplom nechche minglighan oqughuchilarning naraziliqini qozghidi