Хитайда һәммидин байлар өзлирини бихәтәр һес қилалмайдикән


2006.07.19

Йеқинда хитайда елип берилған бир тәкшүрүш нәтиҗисигә қариғанда, хитайдики әң бай кишиләрдә өзлириниң кәлгүсигә қарита бихәтәрлик туйғуси йоқ икән. Бундақ болишидики асаслиқ сәвәп һөкүмәтниң кишиләрниң мал-мүлүклирини қоғдаш сияситидә нурғун йетәрсизликләрниң болишидин икән.

Франсийә агентлиқиниң хәвәр қилишичә, бу тәкшүрүш хитайниң гуаңдоң өлкисидики җәнубий хитай һәптилик гезити тәрипидин елип берилған болуп, улар тәкшүрүш қилған байлиқи 2 милярттин ашидиған байларниң 90% и байлиқниң уларға "әндишә" вә "баш ағриқи" елип келидиғанлиқини билдүргән.

Хитай иҗтимаий пәнләр акадимийиси дериктори лу шөвей " байларниң бундақ һес қилишиға асаслиқи, һөкүмәтниң сестима сиясәтлири һәмдә җәмийәтниң байларни һәсәт қилиши сәвәп болған" дәйду. Униң ейтишичә йәнә, хитай коммунист партийиси асасий қанунида техи шәхсий мал-мүлүкни қоғдайдиған конкерт капаләтләрни түзмигән икән.

Униң үстигә хитайдики көп қисим байлар һөкүмәт әмәлдарлири билән болған мунасивәт билән вә әмәлдарларға зор миқдарда парә бериш арқилиқ бай болғанлиқи үчүн, бу хәлқниң наразилиқини қозғап байларға нисбәтән өчмәнлик туйғусиниму пәйда қилидикән. Хитай яшлар гезитиниң бир доклатидиму, хитайдики шәһәрләр билән йезилар оттурисидики пәрқниң барғансери чоңийиши, нурғун шәһәр аһалилирини техиму әндишә селиватқанлиқи мәлум қилинған. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.