Xitayda hemmidin baylar özlirini bixeter hés qilalmaydiken


2006.07.19

Yéqinda xitayda élip bérilghan bir tekshürüsh netijisige qarighanda, xitaydiki eng bay kishilerde özlirining kelgüsige qarita bixeterlik tuyghusi yoq iken. Bundaq bolishidiki asasliq sewep hökümetning kishilerning mal-mülüklirini qoghdash siyasitide nurghun yétersizliklerning bolishidin iken.

Fransiye agéntliqining xewer qilishiche, bu tekshürüsh xitayning gu'angdong ölkisidiki jenubiy xitay heptilik géziti teripidin élip bérilghan bolup, ular tekshürüsh qilghan bayliqi 2 milyarttin ashidighan baylarning 90% i bayliqning ulargha "endishe" we "bash aghriqi" élip kélidighanliqini bildürgen.

Xitay ijtima'iy penler akadimiyisi dériktori lu shöwéy " baylarning bundaq hés qilishigha asasliqi, hökümetning séstima siyasetliri hemde jem'iyetning baylarni heset qilishi sewep bolghan" deydu. Uning éytishiche yene, xitay kommunist partiyisi asasiy qanunida téxi shexsiy mal-mülükni qoghdaydighan konkért kapaletlerni tüzmigen iken.

Uning üstige xitaydiki köp qisim baylar hökümet emeldarliri bilen bolghan munasiwet bilen we emeldarlargha zor miqdarda pare bérish arqiliq bay bolghanliqi üchün, bu xelqning naraziliqini qozghap baylargha nisbeten öchmenlik tuyghusinimu peyda qilidiken. Xitay yashlar gézitining bir doklatidimu, xitaydiki sheherler bilen yézilar otturisidiki perqning barghanséri chongiyishi, nurghun sheher ahalilirini téximu endishe séliwatqanliqi melum qilin'ghan. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.