B d t: bay‏- kembegheller otturisidiki perq xitayning ijtima'iy muqimliqigha tehdit


2005.12.16

B d t jüme küni doklat élan qilip, bay‏- kembegheller otturisidiki perqning chongiyishi xitayda ijtima'iy muqimliqqa jiddiy tehdit salmaqta, dep agahlandurdi.

B d t, " xitayning 2005 - yilliq insan tereqqiyat ehwali" namliq doklatida, yüz milyonlighan yerlik yéza puqraliri we köchmen ishchilarning 25 yilliq iqtisadi tereqqqiyat miwisidin behriman bolalmighanliqini otturigha qoyup, xitay da'iriliridin bu mesilini hel qilishni telep qilghan.

Doklatta " kirim perqidiki igiz - peslik ijtima'iy tengpungsizliqni keltürüp chiqirip, ishsizliq we xiyanetchilikni éghirlashturmaqta. Bular ijtima'iy muqimsizliqni keskinleshtüriwatqan amillardur " deydu.

Doklat b d t tereqqiyat programmisi teripidin hazirlan'ghan bolup, kirim perqining igiz - pesliki yézilardiki bölünüshni kücheytipla qalmay, sheherlerdiki bay - kembeghellik perqini chongaytmaqtiken. Doklatta " kirim perqining igiz -pesliki xitaydiki dramatik tengsizlikni eks ettüridu " dep tekitligen.

B d t, doklatni hazirlash basquchida puqralarning kirimi, medeniyet ehwali we hayatqa bolghan ümidwarliqi qatarliq mesililer boyiche tekshürüsh élip barghan. Fransiye axbarat agéntliqining xewer qilishiche, béyjing ijtima'iy pisxologiye tetqiqat inistituti 2002 - yili dékabirda élip barghan xelq rayini sinashta, 80 % kishi kirim perqidiki igiz - peslikni " eng zor ijtima'iy mesile " dep qarighan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.