Béyjing bixeterlik tedbirlirini kücheytti


2004-09-27
Share

Béyjing saqchi da'iriliri xitayning dölet bayrimi harpisida, térrorluq heriketlerge qarshi bixeterlik tedbirlirini kücheytti.

Firansiye axbarat agéntliqining xewirige qarighanda, béyjing saqchiliri her qaysi soda merkezliri we ammiwiy sorunlardiki bixeterlik tedbirlirini kücheytip, weqe sadir bolushning aldini almaqta iken. Béyjing saqchi da'iriliri bayanatchisining bildürishiche, térrorchiliqqa qarshi turush we partlitish weqelirining aldini élish xizmiti nöwette saqchilarning bayram mezgilide bixeterlikni qoghdashtiki eng muhim xizmitige aylan'ghan.

Uning ilgiri sürishiche, eger birer weqe yüz bergende, béyjingdiki alahide qisim saqchiliri besh minot ichide her qandaq bir soda merkizige yétip baralaydiken.

Firansiye axbarat agénitliqining bildürishiche, xitay jem'iyitide ijtima'iy tengsizlik we ishsizlik nispitining ishishigha egiship, her xil partlitish, ot qoyush we zeherlesh weqeliri köplep yüz bermekte. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet