Teywen pirézdénti chin shüybiyen dölet bayrimi munasiwiti bilen söz qildi


2004-10-10
Share

Teywen pirézdénti chin shüybiyen 10 - öktebir dölet bayrimi munasiwiti bilen nutuq sözlep, teywen boghuzining ikki qirghiqidiki jiddiy munasiwetni yaxshilash üchün, uning xitay hökümiti bilen siyasiy alaqe baghlashni oylishishni xalaydighanliqini bildürdi.

U nutuqida, xitay dölet rehberlirini teywen bilen birlikte "heriket nizami" tüzüp chiqishqa chaqirdi hemde herbiy hazirliqni kontrol qilish we her xil öz ara ishenchni ilgiri süridighan tedbirlerni qollunush arqiliq, ikki qirghaq munasiwitidiki jiddiychilikni peseytishke dewet qildi.

Chin shüybiyen sözide yene "ikki terep rayunning muqimliqini qoghdash we pütün dunyagha xewp élip kélishtin saqlinish üchün, di'alog bashlashni istesh kérek" didi. U, 92 - yilidiki xongkong söhbitigha asasen ikki terep qubul qilalaydighan bir lahiyini tüzüp chiqip, ikki qirghaq söhbitige teyyarliq körüsh kéreklikini otturigha qoydi.

Xitay hökümiti teywenni özining bir qismiy dep qaraydighan bolup, zörör bolghanda qoral küchi bilen teywenni birlikke keltüridighanliqini bildürüp kelmekte. Teywen nöwette xitaydin kilidighan her qandaq hojumgha taqabil turush üchün, amérikidin 18 milyard dollar qimmitidiki qoral sétiwélishni oylashmaqta. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet