Xitay térrorchiliqqa qarshi "eng ilghar" terbiyilesh merkizi qurushni pilanlimaqta


2005.03.03

Xitay hökümiti shinjin shehiride özlirining atishi boyiche, dunyadiki eng ilghar bolghan, térrrorchiliqqa qarshi saqchilarni terbiyilesh merkizi qurushni pilanlimaqta.

Shinxu'a agéntliqining bildürüshiche, xitay hökümiti bu merkezni qurushqa 100 milyon yüen meblegh ajratqan . Ular yene amérika, girmaniye, yapuniyidin mutexessislerni teklip qilip, bu merkezni "dunyadiki eng ilghar terbiyilesh orni"gha aylanduridiken.

Saqchilar bu yerde, qandaq qilip térroristlargha we bashqa her xil shekildiki zorawanliq heriketlerge taqabil turushni öginidiken. Xewerge qarighanda, térrorchiliqqa qarshi saqchilarni terbiyilesh merkizi kiler yili échilishi mumkin.

Xitay hökümiti 11 - sintebir weqesidin kiyin, xelq'ara térrorchiliqqa qarshi köreshke aktip awaz qoshqan. Biraq, gherb elliri we kishilik hoquq teshkilatliri xitay hökümitining térrorchiliqqa zerbe bérishni bahane qilip, tinchliq bilen öz siyasiy we diniy köz qarashlirini otturigha qoyghan Uyghurlarni basturiwatqanliqini körsetken. Amérika tashqi ishlar ministirliqimu düshenbe küni élan qilghan kishilik hoquq doklatida bu xil endishisini ipadiligen idi. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.