Б д т хитайдики тәкшүрүшниң тосқунлуқсиз елип берилишини үмид қилди


2005.04.05
Share on WhatsApp
Share on WhatsApp

Б д т кишилик һоқуқ комитетидики тән җазасини тәкшүргүчиләрниң ашкарилишичә, хитай һөкүмити б д т хадимлириниң хитайда тәкшүрүш елип берип, түрмидики мәһбуслар билән бивастә сөһбәтлишишигә йол қоюдиғанлиқини вәдә қилған. Кишилик һоқуқ комитетидики тәкшүргүчиләр, хитай түрмилиридики мәһбуслар билән сөһбәтлишиш арзусиниң бу йил күздә әмәлгә ешишини үмид қилди.

Франсийә ахбарат агентлиқиниң хәвәр қилишичә, б д т ниң тән җазасини тәкшүрүш хадими манфрид новак, хитай һөкүмитиниң бу һәқтики тәклипнамисини тапшурувалған. У, кишилик һоқуқ комитетиниң “ тәкшүрүш күнини бекитиш басқучида” кетиватқанлиқини билдүрди. Манфрид новак, хитайниң халиған түрмини тәкшүрүш шундақла өзи халиған мәһбус билән сөһбәт өткүзүшкә йол қоюш вәдисидә турушини үмид қилди.

Хитай һөкүмити йеқинқи йиллардин бери б д т кишилик һоқуқ комитетидики тәкшүргүчиләрниң хитайда тәкшүрүш елип беришиға рухсәт қилған, амма хитай түрмилиридики тән җазасини тәкшүрүшигә йол қоймиған иди. Өйкән йили б д т хадимлириниң уйғур аптоном районида тәкшүрүш елип бериш тәлипини рәт қилған. Буниң билән кишилик һоқуқ комитетидики тән җазасини тәкшүрүш әмәлдари тйо ван бовенниң хитайни тәкшүрүш пилани кечиктүрүлгән.

Хитай һөкүмитиниң мәһбусларға тутқан муамилиси америка вә кишилик һоқуқ органлириниң тәнқидигә учримақта иди. 2003 - Йили хитай мәтбуатлирида тән җазаси вә қанунсиз қолға елишни асас қилған кишилик һоқуқни дәпсәндә қилиш темисидики 1064 дило паш қилинди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт