Хитай, б д т бихәтәрлик кеңишини кеңәйтиш тәклипигә қарши чиқти


2005.06.01
Share on WhatsApp
Share on WhatsApp

Хитай һөкүмити, бирләшкән дөләтләр тәшкилатиниң бихәтәрлик кеңишини кеңәйтиш қарар лайиһисигә қарши чиқидиғанлиқини җакарлиди.

Америка бирләшмә агентлиқиниң хәвәр қилишичә, бразилийә, германийә, һиндистан вә японийә қатарлиқ 4 дөләт нөвәттә бихәтәрлик кеңишини кеңәйтиш қарар лайиһисини түзүп чиққан болуп, улар йәнә 6 - айниң ичидә бу лайиһини б д т гә сунушни пиланлимақта.

Әмма бихәтәрлик кеңишиниң әзаси болған хитай һөкүмити буниңға изчил қарши туруп кәлди. Һәтта хитайниң б д т дики баш әлчиси бу лайиһини “хәтәрлик” дәп сүпәтләп, буниң б д т әзалири арисида бөлүнүш кәлтүрүп чиқиридиғанлиқини әскәртти. Шундақла у йәнә, хитайниң мәзкур кеңәштики күчи билән бу лайиһигә қарши аваз қойидиғанлиқини тәкитлиди.

Хитай японийиниң бихәтәрлик кеңишидә мәңгүлүк орунға еришишигә күчлүк қарши болуп, һәтта мушу сәвәбтин, йеқинда хитай билән японийә оттурисида сүркилиш йүз бәргән иди.

Нөвәттә б д т ниң бихәтәрлик кеңишидики мәңгүлүк орунға игә 5 дөләт болса, америка, русийә, хитай, әнглийә вә франсийә. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.