Xitay, b d t bixeterlik kéngishini kéngeytish teklipige qarshi chiqti


2005.06.01
Share on WhatsApp
Share on WhatsApp

Xitay hökümiti, birleshken döletler teshkilatining bixeterlik kéngishini kéngeytish qarar layihisige qarshi chiqidighanliqini jakarlidi.

Amérika birleshme agéntliqining xewer qilishiche, braziliye, gérmaniye, hindistan we yaponiye qatarliq 4 dölet nöwette bixeterlik kéngishini kéngeytish qarar layihisini tüzüp chiqqan bolup, ular yene 6 - ayning ichide bu layihini b d t ge sunushni pilanlimaqta.

Emma bixeterlik kéngishining ezasi bolghan xitay hökümiti buninggha izchil qarshi turup keldi. Hetta xitayning b d t diki bash elchisi bu layihini “xeterlik” dep süpetlep, buning b d t ezaliri arisida bölünüsh keltürüp chiqiridighanliqini eskertti. Shundaqla u yene, xitayning mezkur kéngeshtiki küchi bilen bu layihige qarshi awaz qoyidighanliqini tekitlidi.

Xitay yaponiyining bixeterlik kéngishide menggülük orun'gha érishishige küchlük qarshi bolup, hetta mushu sewebtin, yéqinda xitay bilen yaponiye otturisida sürkilish yüz bergen idi.

Nöwette b d t ning bixeterlik kéngishidiki menggülük orun'gha ige 5 dölet bolsa, amérika, rusiye, xitay, en'gliye we fransiye. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.