Xitay, b d t kishilik hoquq komitéti bilen hemkarliq kélishimi tüzdi


2005.08.31

Xitay hökümiti charshenbe küni birleshken döletler teshkilatining kishilik hoquq komitéti bilen xitayning qanun séstimisidiki islahat heqqide hemkarliq kélishimi tüzdi. Bu, xitayning b d t ning, "xelq'ara puqralarning hoquqi we siyasiy hoquq ehdinamisi"ni qobul qilishidiki deslepki basquch dep qaralmaqta.

Bu kélishim xitayning yuqiri derijilik déplomatliri bilen birleshken döletler teshkilatining kishilik hoquq komissari lu'is arbor xanim otturisida tüzüldi. Amérika birleshme agéntliqining xewer qilishiche, kélishim boyiche, b d t kishilik hoquq komitéti xitayning,türme jazasi ornigha bashqa usullarni qollinishigha , jinayi ishlar qanuni, adwukatlar qanuni we alaqidar qanun- belgililerni özgertishige yardem béridiken.

Bu arida amérikining xitaydiki elchixanisi charshenbe küni, lu'is xanimning xitaydiki ziyariti mezgilide, xitay da'irilirining béyjingdiki kishilik hoquq teshkilatlirining ishxanisigha bösüp kirip, kishilik hoquq pa'aliyetchilirini nezerbentke alghanliq weqesige alahide köngül bölüdighanliqini hemde eger bu xewer rast bolsa, u halda xitayning bu herikitining xelq'ara kishilik hoquq ölchimini ochuq-ashkara depsende qilish bolup hésablinidighanliqini bildürdi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.