Xitay diniy sorunlarni bashqurush toghrisidiki yéngi belgilimisini resmi yolgha qoyidu

Béyjing hökümiti, xitayning diniy sorunlarni bashqurush toghrisidiki yéngi belgilime puqralarning diniy étiqat erkinlikini téximu yaxshi kapaletke ige qilidu, dep aqlimaqta. Biraq mezkur belgilimini tenqid qilghuchilar, yéngi belgilime xitay da'irilirining diniy mezheblerni téximu qattiq basturushigha qanuni asas yaritip bérishidin ensireydiken.

Xitay metbu'atlirining xewiride , diniy sorunlarni bashqurush belgilimisini puqralarning xitay asasi qanunidiki diniy - étiqat hoquqini qanun bilen qoghdash sheklige ige qildi, dep medhiyiligen. Xitayning hazirqi diniy sorunlarni bashqurush belgilimiside, puqralarning hökümet tizimlikining sirtidiki meschit we chérkawlarda ibadet qilishini chekligen.

Yéngi belgilime meschit, chérkaw we ibadetxanilarning öshre-zakat yighish, i'ane toplash, mal - mülk hoquqi shundaqla taliplarni terbiyilesh qa'idisi qatarliqni öz ichige alghan. Yéngi belgilimide " puqralarni din'gha ishinish yaki ishemeslikke mejburlighanlarning jinayi jawapkarliqi diniy ishlar da'iriliri teripidin sürüshtürilidu," dep yazghan.

Mezkur belgilimini tenqid qilghuchilar, yéngi belgilime xitay hökümitining diniy mezheplerni basturushigha qanunni asas yaritidighanliqini ilgiri sürmekte. Merkizi nyu - yorktiki xitay kishilik hoquq jem'iyitining xadimi nikolas békyulin, yéngi belgilimidiki yuqiriqi maddilarni diniy étiqat hoquqini qaghdimaqchi bolghan kishilerni jazalash üchün ishlitish mümkin, dep körsetken. Diniy sorunlarni bashqurush yéngi belgilime düshenbe kündin bashlap resmi küchke ige bolidu. (Erkin)