Bomba tehdidi biyjing soda yermenkisining échilishini kéchiktürdi


2004.09.20

Fransiye agéntliqining béyjingdiki bir soda yermenkisining échilishi bomba tehdidi sewebidin kéchikitürülgenliki xewiride éytilishiche, béyjing saqchi da'irilirige ewetilgen bir xette, yermenke ötküzülidighan jaygha bomba qoyulghanliqi bildürülgen.

Soda yermenkisi béyjing ishchilar tenterbiye sariyida ichilmaqchi iken. Lékin béyjing saqchi da'iriliri yekshenbe küni yermenkining teshkilligüchilirini weqedin xewerdar qilghan. Tenterbiye kiyim-kécheklirini asas qilghan mezkur yermenke -9 ayning -19 künidin -28 künigiche ichilmaqchi iken.

Béyjing saqchi da'iriliri weqe heqqide tekshürüsh élip bériwatqanliqini bildürdi. Lékin ular weqe toghrisida tepsili melumat birishtin özlirini qachurmaqta. Ötken shenbe küni mezkur tenterbiye sariyida bir konsirt ötküzülgen iken.

Bu arida béyjing saqchi da'iriliri bir bankigha bomba qoyolghanliqini, tehdid qilghan bir kishini qolgha alghanliqini bildürdi.

Xewerlerge qarighanda, mezkur kishi may iyidin biri üch qétim saqchilargha téléfon qilip, béyjing shehiri ichidiki bir bankigha bomba qoyghanliqini bildürüp, tehdid salghan iken. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.