Бейҗиң сақчилири әркин қәләмкәшләр җәмийитиниң йиғилишини баситуруши мумкин
2007.12.21
Хитай кишилик һоқуқ қоғдиғучилири тәшкилатиниң хәвәр қилишиға қариғанда, 19- декабир шаңхәй шәһәрлик бихәтәрлик идариси пудуң районлуқ тармиқиниң мәхпий хадимлири, шаңхәйлик язғучи вә кишилик һоқуқ паалийәтчиси ли җйәнхуңни нәзәрбәнд астиға алған.
Шаңхәй мәхпий сақчилириниң ли ханимға билдүрүшичә, сақчилар униң 22- декабир бейҗиңда елип берилидиған хитай әркин қәләмкәшләр йиғилишиға қатнишишиниң алдини елиш үчүн уни қолға алған икән.
Хәвәрдә көрситилишичә, ли ханим 14- декабирдин башлап кәйнигә адәм чүшкәнликини байқиған. 15- Декабир у сақчиларни езиқтуруш үчүн достиниң өйидә қонуп қалған һәмдә мушу һәптидә ой көчүшни пилан қилған болсиму, 18- декабир мунасивәтлик бәзи ишларни бир яқилиқ қилиш үчүн өз өйигә қайтқан.
Шу күни кәчқурун бир бөләк пуқрачә кийингән сақчилар ли ханимниң өйигә бесип кирип уни өйидә нәзәр бәнд астиға алған вә 19- декабир ли ханим вә униң дадисини сақчиханиға елип кәткән.
Хәвәрдә көрситилишичә, ли ханим һазир бир меһманханида нәзәр бәнд астида ятмақта икән. Сақчиларниң униңға ейтқанлириға қариғанда, униң қолға елиниши бейҗиңдики дөләт бихәтәрлик тармақлириниң буйруқи билән елип берилған болуп, у 25- декабирғичә қоюп берилмәйдикән.
Сақчиларниң ейтишичә йәнә, бейҗиң сақчилири 22- декабир елип берилидиған әркин қәләмкәшләр җәмийитиниң йиғилишиниму бесиқтуруши мумкин икән. (Җүмә)
Мунасивәтлик мақалилар
- Хитай сақчилири намайишчиларға яш ақтуруш бомбиси атти
- Йеқиндин буян хитайниң кишилик һоқуқ хатириси, адәттин ташқири диққәткә сазавәр болмақта
- Хитайда һөкүмәткә қарши наразилиқ һәрикәтлири изчил түрдә йүз бәрмәктә
- Хәлқара сақчи: террорчилар бейҗиң олимпик йиғиниға һуҗум қилишни пиланлиған болуши мумкин
- Хитайниң олимпик һарписидиму кишилик һоқуқни давамлиқ дәпсәндә қиливатқанлиқи ашкариланмақта
- Кишилик һоқуқ тәшкилати: хитай мәктәплиридә өсмүрләрни әмгәккә елиш ишлири мәвҗут
- Хитай "қанун тәшвиқат күни" һарписида намайишчиларниң наразилиқиға дуч кәлди
- Хәлқара мухбирлар тәшкилати олимпик комитетини хитай мәсилисидә әйиблиди
- Хитайниң әнхуй өлкисидә һәрбий академийә оқуғучилири исян көтәрди