خىتاي دائىرىلىرى، ئافرىقا دائىرىلىرىگە بىر جۇڭگو پرىنسىپىنى تەكىتلىدى


2006-01-12
Share

ب ب س ئاگېنتلىقىنىڭ 12 ‏- يانۋار كۈنىدىكى خەۋىرىگە ئاساسلانغاندا، مەزكۇر دوكلاتتا خىتاي " بىر جۇڭگو پرىنسىپى" خىتاي بىلەن ئافرىقا دۆلەتلىرى ھەمدە رايوندىكى تەشكىلاتلار بىلەن تەرەققىيات مۇناسىۋىتى ئورنىتىشنىڭ سىياسىي ئاساسى بولىدىغانلىقىنى ئالاھىدە تەكىتلىگەن.

خىتاي مەتبۇئاتلىرى مەزكۇر دوكلاتتىكى مەزمۇنلارنى نەقىل كەلتۈرۈپ مۇنداق دېگەن: "ئافرىقىدىكى 'بىر جۇڭگو پرىنسىپى' گە ھۆرمەت كۆرسىتىۋاتقان دۆلەتلەرنى ماختاشقا ئەرزىيدۇ، بىز بۇ دۆلەتلەرنىڭ بولۇپمۇ تەيۋەن بىلەن مۇناسىۋەت ئورناتماسلىق، جوڭگونىڭ پۈتۈنلىكىنى قوللاش پوزىتسىيىسىدىن ئىنتايىن مىننەتدارمىز" .

خىتاي ئافرىقىدىكى 47 دۆلەت بىلەن دىپلوماتىك مۇناسىۋەت ئورناتقان، تەيۋەن تەرەپ بىلەن دىپلوماتىك مۇناسىۋەت ئورناتقان دۆلەتلەر سانى 25 كە يېتىدۇ، بۇنىڭ ئىچىدە 6 سى ئافرىقىدىكى دۆلەتلەردىن بولۇپ، ئۆتكەن يىلى 10 ‏- ئايدا ئافرىقىدىكى سېنېگال دۆلىتى تەيۋەن بىلەن بولغان مۇناسىۋىتىنى ئۈزۈپ، خىتاي بىلەن يېقىن مۇناسىۋەت ئورناتقان.

خىتاي ئىزچىل تۈردە ، ھەر قايسى دۆلەتلەرگە تەيۋەن بىلەن مۇناسىۋەت ئورناتماسلىقنى تەكىتلەشتىن سىرت، تەيۋەن بىلەن مۇناسىۋەت ئورناتقان دۆلەتلەرنى" خىتاينىڭ ئىچكى ئىشلىرىغا ئارىلاشقانلىق " دەپ ئەيىبلەپ كەلمەكتە. (ئەقىدە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت