Chén shuybyen amérikining "bir junggo" prinsipini özgertishini telep qildi

Teywen prézidénti, peqet teywen xeliqiningla teywenning kélechiki we ikki qirghaq munasiwetlirining qandaq bolushi heqqide qarar béreleydighanliqini tekitlep, amérika hökümitining "bir junggo" prinsipini özgertish waqti kelgenlikini bildürdi.

Chin shüybyen charshenbe küni teybéyde, teywenni ziyaret qiliwatqan amérika dölet mejlisi ezasi stéf kobat bilen uchrishsh jeryanida bergen bayanatida": igilik hoquqi we démokratiye prinsiplirigha asasen héchkim ikki qirghaq munasiwetlirining tereqqiyati üchün qaytidin birlishish birdin ‏- bir yol déyish hoquqigha ige emes" dédi. Chén shuybyen yene, sti'éf kobatning amérika hökümitining "bir junggo" prinsipini qaytidin közdin kechürüshi kérekliki toghrisida shundaqla teywen hökümet xadimlirining amérikini ziyaret qilishigha ruxset bérilishi heqqide élip bériwatqan herikitige rehmet éytti.

Xitay we amérika hökümiti, chin shüybyenning ötken yili chaghanda teywende gomindang hakimiyiti dewride qurulghan we xitay bilen qaytidin birlishish iradisining simwoli hésablan'ghan bir qisim organlarni bikar qilip tashlighanliqigha qattiq inkas qayturghan idi.

Chin shüybyen amérika dölet mejlisi ezasi sti'éf kobat bilen élip bérilghan söhbetke qatnashqan amérika ‏- teywen institutining mudiri, mundaqche qilip étyqanda amérikining teywen diplomatiye ishxanisining mudiri stéfan yunggha, bu chaghanda ötken yildikige oxshash, jiddiy siyasiy qararlar almaydighanliqini, buningdin xatirjem bolushini éytqan. (Eqide)