Xitayning omumiy xelq qurultiyi kiler yili bölünüshke qarshi qanunni muzakire qilidu

Xitay xelq qurultiyi da'imiy komitéti, bölünüshke qarshi qanun layihisini kiler yili 3 - ayda xitay omumiy xelq qurultiyining muzakire qilishigha qoyidighanliqini bildürdi.

Xitay hökümitining zuwani bolghan shinxu'a agéntliqining xewer qilishiche, xitay xelq qurultiyi da'imiy komitétining ezaliri yekshenbe küni 13 - nöwetlik yighinida mezkur qanun layihisini üstide muzakire élip bérip, “bölünüshke qarshi qanunni tiklesh intayin zörür” dep körsetken.

Xitay tashqi ishlar ministirliqining bayanatchisi ötken hepte mezkur qanunni tikleshning birdin - bir meqsidi, teywendiki bölgünchi küchlerni cheklesh dep bildürgen. U yene bu qanunning rayonning bixeterliki we tinchliqini ilgiri süridighanliqini körsetken idi.

Biraq, teywen da'iriliri bolsa, bu qanun layihisini bashtin- axir eyiblep kelmekte. Teywenning qarishiche, bu qanun, xitay hökümitining teywen'ge hujum qilishidiki qanuniy asasqa aylinidiken. Xitay hökümiti teywenni özining bir ölkisi dep qarighanda, eger teywen resmiy musteqilliq élan qilsila, uninggha hujum qilidighanliqi heqqide tehdid ishlitip kelmekte. (Arzu)