Америка дөләт мәҗлиси хитайниң "дөләтни парчилашқа қарши туруш қануни" чиқиришиға қарши турди

Америка дөләт мәҗлисидики бәзи әзалар, буш һөкүмитини хитайниң чиқирилиш алдидики "дөләтни парчилашқа қарши туруш қануни" ға җидди муамилә қилишқа үндиди. Авам палатасидики димократлар билән җумһурийәтчиләр, бейҗиң һөкүмитиниң "дөләтни парчилашқа қарши туруш қануни" чиқириш тиришчанлиқи "хәтәрлик һәрикәт" дәп агаһландурған.

Авам палата әзаси танклейд, хитайларниң қанун чиқирип, зөрүр тепилғанда тәйвәнгә таҗавуз қилишқа уруниватқанлиқини илгири сүргән. У, " биз хитайларға тәйвәнгә таҗавуз қилишниң интайин мушәққәтлик мәсилә икәнликини шундақла интайин хәтәрлик ишлиқини һис қилдуришимиз керәк," дәп тәкитлигән.

Авам палата әзаси шерлей панклей, хитайниң "дөләтни парчилашқа қарши туруш қануни" чиқиришиға диққәт қилишни тәләп қилған. У, "әгәр хитайлар бу қанунни чиқарса, у һалда бу интайин чоң хаталиқ болиду. Бу америкини интайин қийин әһвалға чүшүрүп қоюши мумкин," дәп көрсәткән. У мундақ дәйду: "биз иттипақдашлиримиз тәрәптә турушимиз керәк, тәйвән бизниң иттипақдишимиз."

Америкиниң муавин ташқи ишлар министири ричард армитәҗ, алдинқи күни вашингтонда хитай дөләт кабинти тәйвән ишлар ишханисиниң мудири чен йүнлин билән сөһбәт өткүзүп, "дөләтни парчилашқа қарши туруш қануни" бойичә музакирә елип барған. (Әркин)