Amérika dölet mejlisi xitayning "döletni parchilashqa qarshi turush qanuni" chiqirishigha qarshi turdi


2005.01.07

Amérika dölet mejlisidiki bezi ezalar, bush hökümitini xitayning chiqirilish aldidiki "döletni parchilashqa qarshi turush qanuni" gha jiddi mu'amile qilishqa ündidi. Awam palatasidiki dimokratlar bilen jumhuriyetchiler, béyjing hökümitining "döletni parchilashqa qarshi turush qanuni" chiqirish tirishchanliqi "xeterlik heriket" dep agahlandurghan.

Awam palata ezasi tankléyd, xitaylarning qanun chiqirip, zörür tépilghanda teywen'ge tajawuz qilishqa uruniwatqanliqini ilgiri sürgen. U, " biz xitaylargha teywen'ge tajawuz qilishning intayin musheqqetlik mesile ikenlikini shundaqla intayin xeterlik ishliqini his qildurishimiz kérek," dep tekitligen.

Awam palata ezasi shérléy pankléy, xitayning "döletni parchilashqa qarshi turush qanuni" chiqirishigha diqqet qilishni telep qilghan. U, "eger xitaylar bu qanunni chiqarsa, u halda bu intayin chong xataliq bolidu. Bu amérikini intayin qiyin ehwalgha chüshürüp qoyushi mumkin," dep körsetken. U mundaq deydu: "biz ittipaqdashlirimiz terepte turushimiz kérek, teywen bizning ittipaqdishimiz."

Amérikining mu'awin tashqi ishlar ministiri richard armitej, aldinqi küni washin'gtonda xitay dölet kabinti teywen ishlar ishxanisining mudiri chén yünlin bilen söhbet ötküzüp, "döletni parchilashqa qarshi turush qanuni" boyiche muzakire élip barghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.