Teywen ittipaq uyushmisi "yütüwélishqa qarshi qanuni" ni tüzüshni telep qildi


2005.02.23

Teywenning musteqilliqini yaqlaydighan teywen ittipaq uyushmisi charshenbe küni, xitay chiqarmaqchi boliwatqan "bölünüshke qarshi turush qanuni" gha taqabil turush üchün, teywende "yütüwélishqa qarshi turush qanuni" ni tüzüp chiqish teklipini otturigha qoydi.

Mezkur uyushmining bayanatchisi chén jyenming muxbirlarni kütüwélish yighinida, xitay teyyarlawatqan " bölünüshke qarshi turush qanuni" ning teywenning igilik hoquqigha éghir dexli-terüz qilip, teywen xelqining bextlik turmushigha ziyan yetküzidighanliqini eskertti. U yene, shu sewebtin mezkur uyushmining teywen ilgharliq partiyisining bu qararni qollishini ümid qilidighanliqini bildürdi.

Teywen ittipaq uyushmisi, teywenning musteqilliqida ching turidighan sabiq prézidént li déngxuyni meniwi rehber qilghan bolup, ular yene "yütüwélishqa qarshi turush qanuni" ning qarar layihisige awaz toplash üchün, 3 - ayning 6 - küni gawshyongda keng kölemde namayish élip barmaqchi.

Teywen ittipaq uyushmisi teywen parlaméntidiki 225 orunning aran 12 ornini igilisimu, ular yenila mezkur qarar layihisini parlaméntqa sunush arqiliq xitayning "bölünüshke qarshi qanuni" gha taqabil turushni pilanlimaqta. (Peride)

© 2005 Radio Free Asia

Munasiwetlik maqalilar

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.