Әгәр бейҗиң "дөләтни парчилашқа қарши туруш қануни" ни чиқарса, тәйвән икки қирғақ сияситини қайта көздин кәчүриду


2005.03.07
Share on WhatsApp
Share on WhatsApp

Тәйвән чоң қуруқлуқ комитетиниң мудири ву җавйиң дүшәнбә күни бейҗиң даирилирини агаһландуруп, әгәр бейҗиң һөкүмити " дөләтни парчилашқа қарши туруш қануни" ни мақуллиса, тәйвән һөкүмити һазирқи икки қирғақ сияситини қайта көздин кәчүриду, дәп көрсәтти.

Хитай мәтбуатлириниң хәвәр қилишичә, хәлқ қурултийиниң мәмликәтлик йиғини сәйшәнбә күни " дөләтни парчилашқа қарши туруш қанун лайиһиси" ни музакирә қилидикән. Ву җавйиңниң дүшәнбә күни мәркизи ахбарат агентлиқиға билдүрүшичә, тәйвәндики мәмурий органлар бейҗиң һөкүмитиниң " дөләтни парчилашқа қарши туруш қануни" мақулланғандин кейинки вәзийәткә қарши қандақ чарә - тәдбирләрни елишни ойлишип қойған.

Бирақ ву җавйиң, тәйвән һөкүмитиниң икки қирғақ сияситидики " тинчлиқ вә тәрәққият" ни асас қилған чоң йөлүниш өзгәрмәйдиғанлиқини билдүрди. Бу арида йәкшәнбә күни тәйвәндики гавшйоң, тәйбей қатарлиқ чоң шәһәрләрдә " дөләтни парчилашқа қарши туруш қануни" ға қарши намайишлар өткүзүлди. Намайишни чен шүйбйәнниң һакимийәт үстидики димократийә тәрәққият партийиси билән сабиқ тәйвән президенти ли деңхуйниң тәйвән иттипақ партийиси тәшкиллигән. Намайишчилар хитай байриқини көйдүргән. Һәр иккила намайиш " тәйвәнни ютувелишкә қарши туруш, тәйвәнни қоғдаш" дегән шуар астида елип берилди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.