Eger béyjing "döletni parchilashqa qarshi turush qanuni" ni chiqarsa, teywen ikki qirghaq siyasitini qayta közdin kechüridu


2005.03.07
Share on WhatsApp
Share on WhatsApp

Teywen chong quruqluq komitétining mudiri wu jawying düshenbe küni béyjing da'irilirini agahlandurup, eger béyjing hökümiti " döletni parchilashqa qarshi turush qanuni" ni maqullisa, teywen hökümiti hazirqi ikki qirghaq siyasitini qayta közdin kechüridu, dep körsetti.

Xitay metbu'atlirining xewer qilishiche, xelq qurultiyining memliketlik yighini seyshenbe küni " döletni parchilashqa qarshi turush qanun layihisi" ni muzakire qilidiken. Wu jawyingning düshenbe küni merkizi axbarat agéntliqigha bildürüshiche, teywendiki memuriy organlar béyjing hökümitining " döletni parchilashqa qarshi turush qanuni" maqullan'ghandin kéyinki weziyetke qarshi qandaq chare - tedbirlerni élishni oyliship qoyghan.

Biraq wu jawying, teywen hökümitining ikki qirghaq siyasitidiki " tinchliq we tereqqiyat" ni asas qilghan chong yölünish özgermeydighanliqini bildürdi. Bu arida yekshenbe küni teywendiki gawshyong, teybéy qatarliq chong sheherlerde " döletni parchilashqa qarshi turush qanuni" gha qarshi namayishlar ötküzüldi. Namayishni chén shüybyenning hakimiyet üstidiki dimokratiye tereqqiyat partiyisi bilen sabiq teywen prézidénti li déngxuyning teywen ittipaq partiyisi teshkilligen. Namayishchilar xitay bayriqini köydürgen. Her ikkila namayish " teywenni yutuwélishke qarshi turush, teywenni qoghdash" dégen shu'ar astida élip bérildi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.