Teywen dölet mudapi'e ministirliqi xitayning "döletni parchilashqa qarshi qanuni" ni eyiblidi


2005-03-09
Share

Teywen dölet mudapi'e ministirliqi charshenbe küni, "döletni parchilashqa qarshi qanuni" ning xitayning 5 yildin 10 yilghiche bolghan ariliqta teywen'ge hujum qilishqa hazirlan'ghan teyyarliq ikenlikini bildürdi.

Teywen dölet mudapi'e ministiri li jyé charshenbe künidiki teywen parlaméntining dölet mudapi'e komitéti yighinida bu sözlerni qilghan bolup, u yene, mushu sewebtin mezkur komitétning, teywen hökümitining 3 türdiki qoral sétiwélish pilanini qollishini telep qildi.

Li jyé yene, teywen dölet mudapi'e ministirliqining, xitayning herbiy tereqqiyatigha a'it bir qisim axbaratlargha érishkenlikini eskertip, xitayning 2006 - yilighiche bolghan ariliqta, teywen'ge toghrilap qoyghan qisqa musapiliq bashqurilidighan bombisining sanini 800 ge, yéngi tiptiki köreshchi ayrupilanlarni bolsa 400 ge yetküzidighanliqini mölcherlidi.

Seyshenbe küni "döletni parchilashqa qarshi turush qanuni" ning xitay xelq qurultiyigha testiqlashqa sunulishi xelq'ara jem'iyette inkas peyda qilip, teywen we amérika hökümiti buni derhal eyipligen idi. Emma xitay xelq qurultiyi re'isi wu banggo charshenbe küni tashqi küchlerning bu qanun'gha körsetken qarshiliqlirini qobul qilmaydighanliqini bildürdi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet