"Döletni parchilashqa qarshi turush qanuni", yawropaning imbargoni qaldurushigha paydisiz bolushi mumkin

Yawropa ittipaqidiki emeldarlar, xitay xelq qurultiyi teripidin aldinqi küni chiqirilghan "döletni parchilashqa qarshi turush qanuni", yawropa ittipaqining xitaygha qoyghan qoral - yaraq imbargosini bikar qilishigha paydisiz, dep körsetti. Biraq yawropa ittipaqidiki emeldarlarning ashkarilishiche, imbargo mesilisini yenila yawropa ittipaqi tashqi ishlar ministirlirining yighini qarar qilidiken.

Fransiye axbarat agéntliqi, bryusséldiki ismini ashkarilashni xalimaydighan emeldarlarning "döletni parchilashqa qarshi turush qanuni", imbargoni bikar qilish mesiliside bezi kishilerni ikkilendürüshi yaki bolmidi dégende imbargoni bikar qilish waqit jedwilide arisaldi qilishi mumkin," dep qaraydighanliqini xewer qildi.

Xitay xelq qurultiyi düshenbe küni teywen'ge qarshi "döletni parchilashqa qarshi turush qanuni" maqullap, qoralliq qisimlargha teywenni tinch yollar bilen birlikke keltürüsh mumkin bolmighanda herbiy hujum qozghash hoquqi bergen.

Yawropa ittipaqi düshenbe küni élan qilghan mezkur qanun heqqidiki bayanatida, teywen bilen xitayni küshkürtüsh xaraktérlik heriketkerdin yiraq turushqa chaqirghan idi. Yawropa ittipaqining bayanatchisi, " biz bu mesilide her qandaq bir terepning qoral ishlitige qarshi turimiz shundaqla......Biz her ikkila terepning weziyetni jiddileshtüriwétidighan bir tereplimilik heriketlerdin yiraq turushqa ündeymiz," dep körsetken. (Erkin)