خىتايدىكى دەريا ۋە كۆللەرنىڭ٪ 70 تىن كۆپرەك قىسمى بۇلغانغان
2004.12.22
شىنخۇا ئاگېنتلىقىنىڭ خەۋەر قىلىشىچە، خىتاي سۇ مەنبەلىرى مىنىستىرى ۋاڭ سۇچىڭ چارشەنبە كۈنى ، خىتايدىكى دەريالارنىڭ ۋە كۆللەرنىڭ 70 پىرسەنتىنىڭ ئوخشاش بولمىغان دەرىجىدە بۇلغانغانلىقىنى ، بۇنىڭ سۇ مەنبەلىرىنىڭ كەمىيىشىگە يول ئىچىپ، ئىچىملىك سۇيىنىڭ بىخەتەرلىكىگە تەھدىد قىلىۋاتقانلىقىنى بىلدۈرگەن .
خەۋەردە ئېيتىلىشىچە، ۋاڭ سۇ مەنبەلىرى ئىدارىلىرىنىڭ مۇدىرلىرىنىڭ يىغىندا قىلغان سۆزىدە، نۆۋەتتە خىتايدا 300 مىليون كىشىنىڭ ساقلىقسىز سۇ ئىچىۋاتقانلىقىنى ئەسكەرتكەن .
يىغىندا خىتاي خەلق جۇمھۇرىيىتى قۇرۇلغاندىن بىرى ، خىتاي ھۆكۈمىتىنىڭ يېزا- قىشلاقلاردا ياشايدىغان 273 مىليون كىشىنىڭ سۇ مەسىلىسىنى بىر تەرەپ قىلغانلىقى، شۇنداقلا 2000 -يىلىدىن بىرى، يەنە يېزا- قىشلاقلاردا 800 مىڭ ئىچىملىك سۈيى قۇرۇلۇشى ئۈچۈن 18 مىليارد يۈئەن پۇل ئاجراتقانلىقى بىلدۈرۈلگەن.
لېكىن، خىتاي سۇ مەنبەلىرى مىنىستىرلىقىنىڭ مۇئاۋىن مىنىستىرى جۇ خوخەي، نۇرغۇنلىغان يېزا- قىشلاقلاردا ئىچمە سۈيى مەسىلىسىنىڭ تېخى ھەل بولمىغانلىقىنى تەكىتلىدى . ئۇنىڭ ئېيتىشىچە، خىتاينىڭ شەرقىي ، شەرقىي- شىمال، غەربىي- شىمال ۋە شىمالىي رايونلىرىدا 63 مىليوندىن ئارتۇق كىشى ھېلىمۇ تەركىۋىدە بەلگىلەنگەن ئۆلچەمدىن كۆپ فلورىن مەۋجۇت بولغان سۇ ئىچىدىكەن . شۇنداقلا خېنەن ، خۇبى ، جياڭشى، ئەنخۈي، جياڭسۇ سىچۈئەن ۋە يۈننەن ئۆلكىلىرىدىكى 110 ناھىيىدە 60 مىليون كىشى ساغلىقسىز ئىچمە سۈيىدىن كېلىپ چىققان چىستومسوم مىكروبى تەھدىدى ئاستىدا ئىكەن. (قانات)
مۇناسىۋەتلىك ماقالىلار
- خىتاي ۋە ئۇيغۇر رايونىدا كۆل ۋە ئۆستەڭ سۇلىرى بۇلغانماقتا
- سايرام كۆلىگە ئاققۇلار يەنە ئۇچۇپ كېلەرمۇ؟
- تېتىما كۆلىنى قۇم بېسىپ كەتكەن
- رۇدىلاشقان تارىم سۈيى ئەتراپتىكى ئۆسۈملۈك ۋە ھايۋانلارغا تەھدىت بولماقتا
- خىتايدىكى بىر قىسىم تۇپراقلارنىڭ سۈپىتى تېز ناچارلاشماقتا
- خىتاينىڭ غەربىي جەنۇبىدىكى كەلكۈن ئاپىتىدە ئاز دېگەندە 170 كىشى قازا قىلدى