Хитайдики дәря вә көлләрниң٪ 70 тин көпрәк қисми булғанған


2004.12.22

Шинхуа агентлиқиниң хәвәр қилишичә, хитай су мәнбәлири министири ваң сучиң чаршәнбә күни , хитайдики дәряларниң вә көлләрниң 70 пирсәнтиниң охшаш болмиған дәриҗидә булғанғанлиқини , буниң су мәнбәлириниң кәмийишигә йол ичип, ичимлик суйиниң бихәтәрликигә тәһдид қиливатқанлиқини билдүргән .

Хәвәрдә ейтилишичә, ваң су мәнбәлири идарилириниң мудирлириниң йиғинда қилған сөзидә, нөвәттә хитайда 300 милйон кишиниң сақлиқсиз су ичиватқанлиқини әскәрткән .

Йиғинда хитай хәлқ җумһурийити қурулғандин бири , хитай һөкүмитиниң йеза- қишлақларда яшайдиған 273 милйон кишиниң су мәсилисини бир тәрәп қилғанлиқи, шундақла 2000 -йилидин бири, йәнә йеза- қишлақларда 800 миң ичимлик сүйи қурулуши үчүн 18 милярд йүән пул аҗратқанлиқи билдүрүлгән.

Лекин, хитай су мәнбәлири министирлиқиниң муавин министири җу хохәй, нурғунлиған йеза- қишлақларда ичмә сүйи мәсилисиниң техи һәл болмиғанлиқини тәкитлиди . Униң ейтишичә, хитайниң шәрқий , шәрқий- шимал, ғәрбий- шимал вә шималий районлирида 63 милйондин артуқ киши һелиму тәркивидә бәлгиләнгән өлчәмдин көп флорин мәвҗут болған су ичидикән . Шундақла хенән , хуби , җяңши, әнхүй, җяңсу сичүән вә йүннән өлкилиридики 110 наһийидә 60 милйон киши сағлиқсиз ичмә сүйидин келип чиққан чистомсом микроби тәһдиди астида икән. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.