Суңхуаҗяңниң булғиниш вәқәси хитайниң гүллинишиниң қараңғу тәрипини көрситиду


2005.11.24

Километир узунлуқтики булғанған су пәйшәнбә күни төт милйонға йеқин аһалиға егә харбин шәһири бөликидики суңху &# xFE8D;җияң дәрясиға еқип кәлди. Булғанған су еқининиң харбинда икки күн туруши мөлчәрләнмәктә.

Франсийә ахбарат агентлиқиниң харбиндин бәргән хәвиригә қариғанда, 11 күн авал җилин нефит химийә завутиниң партлиши дәря сүйиниң бинзол маддиси билән еғир булғинишини кәлтүрүп чиқарған. Харбин нөвәттә шәһәрниң су тәминатини төт күн тохтатти. Хитай һөкүмити булғанған суниң ракни пәйда қилидиғанлиқини билдүрүп, кишиләрни уни истимал қилмаслиққа агаһландурди.

Шәһәр аһалилириниң турмуши зор тәсиргә учриған болуп, мәктәпләр, карханилар пүтүнләй тақалған. Қәһритан қишта пар билән тәминләш тохтап кәткән. Кишиләр өйлиригә ботулкилап суларни тошушқа алдиримақта.

Харбин шәһәрлик һөкүмәт дәсләптә харбинда төт күн су тохтайдиғанлиқини елан қилғанда, сәвәбини су тәминләш сестимисини чоң римонт қилидиғанлиқини билдүргән. Кийин андин, суңхуҗи &# xFEF4;аңниң юқириқи еқимид &# xFE8D; булғиниш болғанлиқтин су тохтутушқа мәҗбур болғанлиқини етирап қилған иди. Франсийә ахбарат агентлиқиниң хәвиридә ейтилишичә, нурғун пуқралар хитай һөкүмитиниң суңхуаҗияңниң юқири еқимида булғиниш болғанлиқини билип, он күндин кеийин андин буни ашкарилидиғанлиқидин қаттиқ нарази болған.

Ройтирс агентлиқиниң хәвиридә көрситилишичә, суңхуҗияң дәрясидики бу қетимлиқ булғиниш вәқәси хитайниң &# xFB94;үллинишиниң қараңғу тәрипини ечип бериду. Хитай һөкүмити нәччә он йиллардин бери муһит җәһәттә еғир бәдәл төләп, иқтисадий тәрәқққиятни истигән. Шоңа нөвәттә хитайдики 70% дәря сүйи булғанған, үчтин бир қисим җайида кислаталиқ ямғур яғиду. 50 Йил ичидә миңдин артуқ көл қуруп кәткән. Һаваму еғир дәриҗидә булғанған.

Бу арида, русийә даирилири суңхуҗяң сүйиниң булғинишиға әндишә билән қаримақта. Суниң төвәнки еқими хейлоңҗяң дәрясиға қуюлуп, русйиниң йирақ шәрқ районидики хабаровиски шәһиригә йитип бариду. Хитай даирилири буниңға қарита, булғанған су бөликиниң икки һәптә ичидә русийә чигрисиға йитип бериши мумкинликини билдүрди, әмма булғанған суниң тәсири русийигә йитип барғичә көп аҗизлайду дәп билдүрди. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.