Sungxu'ajyangning bulghinish weqesi xitayning güllinishining qarangghu teripini körsitidu

Kilométir uzunluqtiki bulghan'ghan su peyshenbe küni töt milyon'gha yéqin ahaligha ége xarbin shehiri bölikidiki sungxu &# xFE8D;jiyang deryasigha éqip keldi. Bulghan'ghan su éqinining xarbinda ikki kün turushi mölcherlenmekte.

Fransiye axbarat agéntliqining xarbindin bergen xewirige qarighanda, 11 kün awal jilin néfit ximiye zawutining partlishi derya süyining binzol maddisi bilen éghir bulghinishini keltürüp chiqarghan. Xarbin nöwette sheherning su teminatini töt kün toxtatti. Xitay hökümiti bulghan'ghan suning rakni peyda qilidighanliqini bildürüp, kishilerni uni istimal qilmasliqqa agahlandurdi.

Sheher ahalilirining turmushi zor tesirge uchrighan bolup, mektepler, karxanilar pütünley taqalghan. Qehritan qishta par bilen teminlesh toxtap ketken. Kishiler öylirige botulkilap sularni toshushqa aldirimaqta.

Xarbin sheherlik hökümet deslepte xarbinda töt kün su toxtaydighanliqini élan qilghanda, sewebini su teminlesh séstimisini chong rimont qilidighanliqini bildürgen. Kiyin andin, sungxuji &# xFEF4;angning yuqiriqi éqimid &# xFE8D; bulghinish bolghanliqtin su toxtutushqa mejbur bolghanliqini étirap qilghan idi. Fransiye axbarat agéntliqining xewiride éytilishiche, nurghun puqralar xitay hökümitining sungxu'ajiyangning yuqiri éqimida bulghinish bolghanliqini bilip, on kündin kéiyin andin buni ashkarilidighanliqidin qattiq narazi bolghan.

Roytirs agéntliqining xewiride körsitilishiche, sungxujiyang deryasidiki bu qétimliq bulghinish weqesi xitayning &# xFB94;üllinishining qarangghu teripini échip béridu. Xitay hökümiti nechche on yillardin béri muhit jehette éghir bedel tölep, iqtisadiy tereqqqiyatni istigen. Shonga nöwette xitaydiki 70% derya süyi bulghan'ghan, üchtin bir qisim jayida kislataliq yamghur yaghidu. 50 Yil ichide mingdin artuq köl qurup ketken. Hawamu éghir derijide bulghan'ghan.

Bu arida, rusiye da'iriliri sungxujyang süyining bulghinishigha endishe bilen qarimaqta. Suning töwenki éqimi xéylongjyang deryasigha quyulup, rusyining yiraq sherq rayonidiki xabarowiski shehirige yitip baridu. Xitay da'iriliri buninggha qarita, bulghan'ghan su bölikining ikki hepte ichide rusiye chigrisigha yitip bérishi mumkinlikini bildürdi, emma bulghan'ghan suning tesiri rusiyige yitip barghiche köp ajizlaydu dep bildürdi. (Arzu)