Xabarowski ahalisi zeherlik suning sheherge yétip kélishini endishe bilen kütmekte

Rusiyining yiraq sherq rayonigha jaylashqan xabarowski shehiri hökümet da'iriliri we sheher ahalisi sungxu'ajyang deryasidiki bulghan'ghan suning xabarowski shehirige yitip kélishini endishe ichide kütmekte hemde bu zeherlik sudin qandaq mudap'elinish mesilsi üstide oylashmaqta.

Xitayning jilin shehiridiki bir ximiyilik zawut partlap, zor miqtardiki maddilarning sungxu'ajyang deryasigha éqip kérishi netijiside, yéqinda xarbin shehiride bir mezgil ichimlik su toxtitilghan idi.

Sungxu'ajyang deryasi rusiye bilen xitay arisidiki amur deryasigha quyulghanliqi üchün bu weqedin xewer tapqan rusiye hökümiti we puqraliridimu jiddiylik yüz bérip, zeherlik maddilarning amur deryasigha quyulushi bilen mezkur derya wadisidiki xabarowski qatarliq chong ـ kichik rusiye sheher ahalilirining özlirining zeherlinip, türlük késelliklerge giriptar bolup qilishidin ensiresh ehwalini keltürüp chiqardi.

Xewerlerge qarighanda, gerche, xitay hökümiti bu weqe tüpeyli rusiye hökümitidin kechürüm sorighan bolsimu emma, bu mesile rusiye bilen xitay munasiwetlirige baghlinishliq halqiliq mesililerning birige aylan'ghan. (Qanat)